կարևոր
1555 դիտում, 2 տարի առաջ - 2020-05-10 17:45

Արցախում կորոնավիրուսով վարակված 2 քաղաքացի բուժվել և դուրս են գրվել

Արցախում կորոնավիրուսով վարակված 2 քաղաքացու փորձանմուշի հետազոտության արդյունքը բացասական է եղել։ Այս մասին հայտնում են Արցախի տեղեկատվական շտաբից:

«Արցախի Հանրապետության առողջապահության նախարարության փոխանցմամբ՝ նախօրեին կրկնակի թեստավորված և տևական ժամանակ բուժհաստատություններում գտնվող նոր կորոնավիրուսով վարակված երկու քաղաքացու փորձանմուշի հետազոտության արդյունքը բացասական է եղել: Այսինքն՝ վարակն այլևս չի հաստատվել, և նրանք դուրս են գրվել բուժհաստատությունից:

Նշենք, որ առայսօր Արցախում գրանցվել է նոր կորոնավիրուսի վարակի 14 դեպք, որից 8-ն արդեն ապաքինվել են»,-նշված է հայտարարությունում։