կարևոր
1715 դիտում, 2 տարի առաջ - 2020-05-09 22:38

ԱՀԿ փորձագետը մատնանշում է Ուհանի կենդանիների շուկան, որպես կորոնավիրուսի սկզբնաղբյուր

ԱՀԿ փորձագետը մատնանշում է Ուհանի կենդանիների շուկան, որպես կորոնավիրուսի սկզբնաղբյուր

Ըստ Առողջապահության համաշխարհային կազմակերպության (ԱՀԿ)՝ Չինաստանում կորոնավիրուսի էպիկենտրոն Ուհանի խոնավ շուկաները, որոնք լայնորեն կապված են վիրուսի առաջացման հետ, հաճախ գերծանրաբեռնված էին, իսկ նորմալ հիգիենայի և սննդի անվտանգության չափանիշները չեն պահպանվել: Այս մասին գրում է «Ամերիկայի ձայն»-ը։

ԱՀԿ սննդամթերքի անվտանգության և կենդանիների հիվանդությունների հարցերով փորձագետ Պիտեր Բեն Էմբարեկը կարծում է, որ նման շուկաները կարևոր նշանակություն ունեն միլիոնավոր մարդկանց համար սնունդ և ապրուստի միջոց ապահովելու գործում, և որ իշխանությունները պետք է կենտրոնանան դրանց բարելավման վրա, այլ ոչ թե օրինազրկեն. «Սննդամթերքի անվտանգության ապահովում այդ միջավայրում բավականին դժվար է, ուստի զարմանալի չէ, որ երբեմն մենք նման իրավիճակ ենք ունենում այդպիսի շուկաներում»:

Նա առաջարկեց սովորաբար նման գերբեռնված շուկաներում նվազեցնել կենդանիներից մարդկանց փոխանցվող հիվանդությունների ռիսկը, ինչը շատ դեպքերում կարելի է լուծել՝ բարելավելով հիգիենան և սննդի անվտանգության չափանիշները, ներառյալ ողջ կենդանիներին մարդկանցից առանձնացնելը:

Ըստ ԱՀԿ փորձագետի՝ զգալի ժամանակ կարող է պահանջվել նոր կորոնավիրուսի առաջացման բուն աղբյուրը հաստատելու համար:

Նա բացատրեց, որ նախ և առաջ պետք է առողջապահության ոլորտի պաշտոնյաների մասնակցությամբ լայնածավալ ուսումնասիրություններ կատարվեն, ուշադիր հարցաքննվեն վաղ փուլերում վարակվածներից շատերին, որպեսզի հստակեցվի, թե ինչ առնչություն են ունեցել կենդանիների հետ նախքան հիվանդանալը:

Այնուհետև գիտնականներին անհրաժեշտ կլինի կենդանիներից նմուշներ վերցնել, որպեսզի գտենեն կորոնավիրուսի սերտ բռնկումը մարդկանց շրջանում:

Մինչ օրս Չինաստանը դեռ չի հրավիրել ԱՀԿ-ի կամ այլ օտարերկրյա փորձագետների, որպեսզի մասնակցեն իրենց հետաքննությանը:

Էմբարեկն ասել է, որ Չինաստանը, հավանաբար, ունի անհրաժեշտ փորձագիտական հնարավորություններ նման ուսումնասիրություններ անցկացնելու համար, և որևէ խնդիր չի նշել Չինաստանի՝ մյուսների հետ համագործակցության պատրաստակամության հարցում: