կարևոր
1473 դիտում, 2 տարի առաջ - 2020-05-09 20:41

Մարտական ինքնաթիռները հանդիսավոր անցումով խորհրդանշեցին հայոց հաղթական ոգու և ուժի հարատևությունը․ (ՏԵՍԱՆՅՈւԹ)

Տեսահոլովակը խորհրդանշում է հաղթական սերունդների շարունակականությունը։ Հայրենական Մեծ պատերազմին մասնակցել է հայկական 6 ազգային դիվիզիա։

Վաղ առավոտյան, Հայաստանի Հանրապետության զինված ուժերի պատվո պահակախմբի զինծառայողները «Մայր Հայաստան» ռազմական պատմության թանգարանից հանդիսավորությամբ դուրս են բերում դիվիզիաների մարտական դրոշները և հանձնում դրանք Հայրենական մեծ պատերազմի մասնակիցների, ովքեր այնուհետև ուղևորվում են ռազմական օդանավակայան և հանձնում դրոշները հայկական մարտական ավիացիայի օդաչուներին։

Հայաստանի Հանրապետության զինված ուժերի մարտական ինքնաթիռները, րոպեներ անց օդ են բարձրանում և հանդիսավոր անցում կատարում Հաղթանակ զբոսայգու վրայով՝ այդպիսով խորհրդանշելով հայոց հաղթական ոգու և ուժի հարատևությունը։