կարևոր
1283 դիտում, 2 տարի առաջ - 2020-05-09 16:56

Միրզոյանն ու Ղուլյանը Ստեփանակերտում ամփոփել են խորհրդարանների միջև համագործակցության արդյունքները

Միրզոյանն ու Ղուլյանը Ստեփանակերտում ամփոփել են խորհրդարանների միջև համագործակցության արդյունքները

Մայիսյան եռատոնի կապակցությամբ պաշտոնական այցով Արցախ ժամանած ՀՀ Ազգային ժողովի նախագահ Արարատ Միրզոյանը հանդիպել է ԱՀ Ազգային ժողովի նախագահ Աշոտ Ղուլյանի հետ: Այս մասին տեղեկացնում է ՀՀ ազգային ժողովի հասարակայնության հետ կապերի և հաղորդակցության վարչությունը:

Միրզոյանը շնորհավորել է իր գործընկերոջը Շուշիի ազատագրման տարեդարձի կապակցությամբ եւ կրկին վերահաստատել, որ Արցախյան հակամարտության խնդիրը պետք է լուծվի՝ հիմք ընդունելով արցախցիների ազատ ինքնորոշման իրավունքը:

Կողմերը քննարկման ընթացքում ամփոփել են երկու խորհրդարանների միջեւ համագործակցության արդյունքները:

Հայ ժողովուրդը մայիսի 9-ին տոնում է եռատոնը՝ Հայրենական մեծ պատերազմում հաղթանակը, Շուշիի ազատագրման և Արցախի պաշտպանության բանակի ստեղծման տարեդարձը: