կարևոր
2483 դիտում, 2 տարի առաջ - 2020-05-09 15:28

Գիշերը ներխուժել են «Ինդիվիդում»-ի գրասենյակ. տղա եղեք, եկեք դիմացս կանգնեք. Աշոտ Սարգսյան

Այս գիշեր անհայտ անձինք ներխուժել են «Ինդիվիդում» քասթինգի գրասենյակ, կոտրել են գրեթե բոլոր դռները, գողացել են ընդամենը մեկ հեռախոս: Այս մասին ֆեյսբուքյան իր էջում գրել է Երեւանի ավագանու «Իմ քայլը» խմբակցության անդամ, ՀՀ առողջապահության նախարարի խորհրդական Աշոտ Սարգսյանը:

««Իդիվիդումի» գրասենյակը գտնվում է 4-րդ հարկում, ոչ մի այլ գրասենյակ այդ ճանապարհին չեն վնասել: Քանի որ գույք կամ գումար չեն տարել, կարծում եմ քաղաքական ենթատեքստ կա այդ ամենում, այլ տրամաբանություն չեմ տեսնում այդ արարքի մեջ:

Դեպքի վայրում են ՀՀ Ոստիկանության աշխատակիցները:

Էտ «паразит»-ներին մի բան կասեմ, ես 24 ժամ հասանելի եմ, բան ունեք ասելու «мелкие пакости» անելու փոխարեն, էնքան տղա եղեք, եկեք դիմացս կանգնեք»,-գրել է նա: