կարևոր
1263 դիտում, 2 տարի առաջ - 2020-05-07 16:03

Սիրիայում կորոնավիրուսի պատճառով խորհրդարանական ընտրությունները կրկին հետաձգվել են

Սիրիայում կորոնավիրուսի պատճառով խորհրդարանական ընտրությունները կրկին հետաձգվել են

Սիրիայի նախագահ Բաշար ալ Ասադի հրամանով երկրի խորհրդարանական ընտրությունները հետաձգվել են և տեղի կունենան հուլիսի 19-ին: Այս մասին տեղեկացնում է «ՌԻԱ Նովոստի» գործակալությունը` հղում տալով Սիրիայի Արաբական Հանրապետության նախագահական պալատի մամուլի ծառայությանը:

«Կորոնավիրուսի դեմ պայքարի շրջանակում սիրիական իշխանությունների կանխարգելիչ միջոցառումներից ելնելով՝ նախագահ Բաշար ալ Ասադը կարգադրել է հետաձգել մայիսի 20-ի խորհրդարանական ընտրությունները, դրանք կկայանան հուլիսի 19-ին»,-ասված է մամուլի ծառայության հայտարարության մեջ:

Սկզբնական շրջանում Սիրիայի խորհրդարանական ընտրությունները ծրագրված էր անցկացնել ապրիլի 13-ին, սակայն կորոնավիրուսի պատճառով ընտրությունները հետաձգվել և նշանակվել էին մայիսի 20-ին:

Վերջին տվյալներով՝ Սիրիայում գրանցվել է կորոնավիրուսով վարակման 45 և մահվան 3 դեպք: