Էդմոն Մարուքյանի և Նիկոլ Փաշինյանի զրույցի առանցքում եղել են Արցախի հարցը եւ դրա շուրջ մտահոգություններն ու շահարկումները

«Լուսավոր Հայաստան» խմբակցությունում հանդիպել են վարչապետ Նիկոլ Փաշինյանն ու Էդմոն Մարուքյանը:

Խմբակցության ղեկավարը լրագրողներին հայտնել է, որ զրույցի առանցքում եղել են Արցախի հարցը եւ դրա շուրջ մտահոգություններն ու շահարկումները: Մարուքյանը հանդիպման վերաբերյալ շատ մանրամասներ չի հայտնել, բայց ասել է՝ Արցախի հիմնախնդրի հետ կապված մտահոգություն այս պահին չունի:

Հիշեցնենք, որ Էդմոն Մարուքյանը նախօրեին նույն թեմայի վերաբերյալ զրուցել է նաեւ արտաքին գործերի նախարար Զոհրաբ Մնացականյանի հետ: