կարևոր
911 դիտում, 1 տարի առաջ - 2020-05-07 13:02

Ռուսաստանը վարակվածների թվով շրջանցեց Գերմանիային ու Ֆրանսիային

Ռուսաստանը վարակվածների թվով շրջանցեց Գերմանիային ու Ֆրանսիային

Ռուսաստանում կորոնավիրուսով վարակվածների թիվն ավելացել է 11 հազար 231-ով՝ ընդհանուրը դառնալով 177 հազար 160՝ արձանագրված երկրի բոլոր շրջաններում: Այս մասին տեղեկացնում  է ՏԱՍՍ գործակալությունը՝ ներկայացնելով կորոնավիրուսի տարածման դեմ պայքարի օպերատիվ շտաբի տվյալները:

Երկրում ապաքինվածների թիվն ավելացել է 2 հազար 476-ով՝ ընդհանուրը դառնալով 23 հազար 803: Վերջին մեկ օրում մահացել է 88 մարդ, ընդհանուր առմամբ երկրում մահացել է 1625 վարակված:

 Նշվում է, որ նոր վարակվածների 48.7 տոկոսի մոտ ախտանշաններ չեն եղել: Նոր դեպքերի զգալի մասը գրանցվել է Մոսկվայում:

Այսպիսով, Ռուսաստանը վարակվածների թվով աշխարհում դառնում է 5-րդ երկիրը՝ շրջանցելով Գերմանիային, Ֆրանսիային: Վարակվածների թվով առաջին տեղում ԱՄՆ-ն է, այնուհետև Իսպանիան, Իտալիան, Մեծ Բրիտանիան: