կարևոր
1282 դիտում, 2 տարի առաջ - 2020-05-07 12:14

Իսրայելում կարանտինից հետո իրենց աշխատանքը վերսկսում են առևտրի կենտրոններն ու շուկաները

Իսրայելում կարանտինից հետո իրենց աշխատանքը վերսկսում են առևտրի կենտրոններն ու շուկաները

Իսրայելի կառավարությունը մայիսի 7-ից մեղմացրել է կարանտինի սահմանափակումների որոշ մասը: Իրենց աշխատանքը վերսկսել են առևտրի կենտրոնները, շուկաները, մարզասրահները: Այս մասին հայտնում է «Վեդոմոստի»-ն:

Բացվում են բացօթյա շուկաները, իսկ փակ տարածքներով առևտրի կենտրոններն ու մարզասրահները պետք է պահպանեն անվտանգության կանոնները: Մասնավորապես, նշվում է, որ փակ տարածքում յուրաքանաչյուր 20 քմ տարածքի համար պետք է մեկ մարդ լինի, անհրաժեշտ է պահպանել 2 մետր սոցիալական հեռավորություն, կատարել սանիտարահիգիենիկ խիստ միջոցառումներ: Հանվում ե նբացօթյա տարածքում աղոթքների հետ կապված սահմանափակումները: Լողափեր թույլատրվում է գնալ միայն սպորտով զբաղվելու նպատակով:

Իսրայելում կորոնավիրուսով վարակվածության առաջին դեպքը գրանցվել է փետրվարի 27-ին: Երկրում ընդհանուր առմամբ, մայիսի 6-ի տվյալներով վարակվել է 16 հազար 314 մարդ, որից 10 հազար 527-ն առողջացել է, 238-ը՝ մահացել: