կարևոր
1997 դիտում, 2 տարի առաջ - 2020-05-07 00:01

ԱՄՆ-ում սպանվել է պրոֆեսորը, որը Covid-19-ի հետազոտության մեջ «կարեւոր բացահայտման շեմին էր»

ԱՄՆ-ում սպանվել է պրոֆեսորը, որը Covid-19-ի հետազոտության մեջ «կարեւոր բացահայտման շեմին էր»

ԱՄՆ-ում սպանվել է Փիթսբուրգի համալսրանի պրոֆեսորը, որը Covid-19-ի հետազոտության մեջ «կարեւոր բացահայտման շեմին էր»։ Այս մասին հայտնել են Փիթսբուրգի համալսրանից, հաղորդում է CNN-ը։

Համալսրանի պրոֆեսոր Բինգ Լյուինի գլխին, վզին, իրանին եւ վերջույթներին հրազենային վնասվածքներով գտել են իր տանը։

Ոստիկանության հաղորդմամբ պրոֆեսորի տնից ոչ հեռու գտնվել է մարդասպանի մարմինը, որը սպանելով Լյուին, վերադարձել է ավտոմեքենայի մոտ եւ ինքնասպան եղել։ Ոստիկանությունը կարծում է, որ տղամարդիկ ճանաչել են միմյանց։

Համալսարանը հրապարակել է հայտարարություն, որում ասվում է․

«Խորապես վշտացած ենք Բինգ Լյուի՝ հետազոտողի եւ գործընկերոջ ողբերգական մահվամբ։ Բինգը SARS-CoV-2 վարակի հիմքում ընկած բջջային մեխանիզմները հասկանալու համար շատ կարեւոր բացահայտումների շեմին էր»,-ասված է համալսարանի հայտարարությունում։

Համալսարանի բժշկական դպրոցի անդամները իրենց նախկին գործընկերոջը նկարագրում են որպես ականավոր հետազոտողի, եւ խոստանում են ավարտին հասցնել Լյուի հետազոտությունը՝ որպես «հարգանքի տուրք նրա գիտական գերազանցությանը: