Ոստիկանության Արթիկի բաժնի քրեական հետախույզները, իրացնելով ստացված օպերատիվ տեղեկությունները, Արթիկի Անկախության և Տուֆագործների փողոցների խաչմերուկից ոստիկանություն բերման ենթարկեցին նույն փողոցի 36-ամյա մի բնակչի՝ մեքենայով հանդերձ։ Այս մասին հայտնում են ՀՀ ոստիկանությունից։
Մեքենայի զննության պահին բերման ենթարկվածը իրավապահներին ներկայացրել է սուր հոտով, դեղնականաչավուն, մանրացված չորացված զանգված։ Ըստ նրա՝ հայտնաբերվածը մարիխուանա է, ինքն է քաղել օգտագործելու համար։
Նշանակվել է փորձաքննություն։
Նախապատրաստվում են նյութեր։