կարևոր
1081 դիտում, 2 տարի առաջ - 2020-05-06 11:49

«Հյուսիս-հարավ»-ի տրանշ-3-ում կվերսկսվեն աշխատանքները

«Հյուսիս-հարավ»-ի տրանշ-3-ում կվերսկսվեն աշխատանքները

Հյուսիս-հարավ ճանապարհային միջանցքի Տրանշ-3-ում շինաշխատանքներ իրականացնող կապալառու չինական «Սինոհիդրո Քորփորեյշն» ՍՊ ընկերությունը շարունակում է նշված ճանապարհահատվածում բացակայող ճանապարհային նշանների վերատեղադրման աշխատանքները։

Ինչպես հայտնում են ՀՀ տարածքային կառավարման և ենթակառուցվածքների նախարարության հասարակայնության հետ կապերի բաժնից, Թալին-Լանջիկ հատվածում վերջին օրերին վերատեղադրվել են մոտ 50 ճանապարհային նշան և անվտանգության այլ տարրեր։ Շարունակվում են նաև ճանապարհն աղբից մաքրելու աշխատանքները։

Հաղորդագրության մեջ նշվում է‚ որ առաջիկա օրերին՝ եղանակային պայմանների բարելավման պես, ընկերությունը Տրանշ-3-ում կվերսկսի փոսային նորոգման աշխատանքները։