կարևոր
971 դիտում, 1 տարի առաջ - 2020-05-05 21:51

Մեր բոլոր քննադատությունները յուրահատուկ օգնություններ են կառավարող թիմի համար․ Էդմոն Մարուքյան

ԱԺ «Լուսավոր Հայաստան» խմբակցության ղեկավար Էդմոն Մարուքյանը Ֆեյսբուքյան իր էջում գրառում է կատարել, նշելով, որ իրենց բոլոր քննադատությունները յուրահատուկ օգնություններ են կառավարող թիմի համար, բայց բնականաբար դրա ընկալումն էլ չկա:

«Մեզ շատ են ասում օգնեք իշխանություններին, որ երկիրը առաջ գնա: Մեկ տարուց ավել հերթով նախագծեր ենք բերում` աչքի առաջ ունենալով առկա և ապագայում ծագելիք խնդիրները: Իշխանությունները մերժում են այդ մեկնած ձեռքը, որից հետո արժանանում են մեր քննադատությանը: Այն նույն մարդիկ, որ ասում էին օգնեք հիմա էլ հարցնում են, թե ինչո՞ւ եք քննադատում ու խանգարում: Օգնեք մի խանգարեք ու այդտեղ հասկանում ես, որ ինչքան էլ օգնենք միևնույն է, եթե կամք չկա ռեֆորմ անելու այդ ռեֆորմը չի լինելու: Մեր բոլոր քննադատությունները յուրահատուկ օգնություններ են կառավարող թիմի համար, բայց բնականաբար դրա ընկալումն էլ չկա:

Այսօր բոլորը հիշել էին, թե ինչպես իշխանությունները տապալեցին մեր նախագիծը ԱԱԾ և Ոստիկանության բարձրաստիճան պաշտոններում համակարգից դուրս նշանակումների մասին:

Ստացվում է, որ համակարգային բարեփոխումների չեն գնում, բայց ըստ իրենց նեղ հետաքրքրությունների գտնում են օրենքը շրջանցելու ճանապարներ»,- գրել է Մարուքյանը։