կարևոր
1336 դիտում, 2 տարի առաջ - 2020-05-04 23:52

Երևանում ոստիկանները ատրճանակ ու թմրամիջոց են հայտնաբերել

Ապրիլի 30-ին ոստիկանության Երևան քաղաքի վարչության քրեական հետախուզության բաժնի ծառայողները, իրացնելով օպերատիվ տվյալները, ոստիկանության Մալաթիայի բաժնի ծառայողների հետ Բաբաջանյան և Րաֆֆու փողոցների խաչմերուկից, ապօրինի թմրանյութ պահելու և օգտագործելու կասկածանքով, ոստիկանություն բերման են ենթարկել երկու անձի՝ իրենց մեքենայով հանդերձ։ Այս մասին հայտնում են ՀՀ ոստիկանությունից։

Երևանի 33-ամյա բնակչի անձնական խուզարկությամբ հայտնաբերվել է թափանցիկ հեղուկով ներարկիչ։ Ըստ նրա՝ հայտնաբերվածը սուբուտեքս էր։

Մեքենայի խուզարկության ժամանակ բերման ենթարկված մյուս անձը՝ մայրաքաղաքի 29-ամյա բնակիչը, մեքենայի սրահի պահոցից իրավապահներին ներկայացրել է «Վալտեր» ատրճանակ՝ 7 փամփուշտով։

Նշանակվել են փորձաքննություններ։

Նախապատրաստվում են նյութեր։