կարևոր
1327 դիտում, 2 տարի առաջ - 2020-05-04 19:00

Գեւորգ Լոռեցյանի կալանքի ժամկետը երկարաձգվել է եւս 2 ամսով

Գեւորգ Լոռեցյանի կալանքի ժամկետը երկարաձգվել է եւս 2 ամսով

ՀՀ կրթության, գիտության, մշակույթի եւ սպորտի նախկին փոխնախարար Գեւորգ Լոռեցյանի կալանքի ժամկետը երկարաձգվել է եւս 2 ամսով։ Այս տեղեկությունը NEWS.am-ին հայտնել է Լոռեցյանի պաշտպան Լեւոն Սահակյանը։

Սահակյանը նշել է, որ դատարանի որոշումը բողոքարկել են Վերաքննիչ քրեական դատարան, սակայն նախագահող դատավոր Ռուբիկ Մխիթարյանը որոշումը թողել է անփոփոխ։

Հիշեցնենք, որ դեկտեմբերի 5-ին կաշառք ստանալու կասկածանքով Գեւորգ Լոռեցյանը, նրա վարորդն ու ֆուտբոլային ակումբներից մեկի նախագահը ձերբակալվել են, ավելի ուշ՝ կալանավորվել։

ԱԱԾ-ի ձեռք բերած նախնական տվյալների համաձայն՝ նախարարի տեղակալը նախարարության ենթակա հիմնարկների կարիքների համար մարզագույքի եւ մարզահագուստի ձեռքբերման նպատակով հայտարարված մրցույթներում աջակցություն է ցուցաբերել մի տնտեսավարողի, որը Հայաստանում գործող ֆուտբոլային ակումբներից մեկի նախագահն է եւ միաժամանակ նաեւ մի շարք մատակարարող ընկերությունների փաստացի ղեկավարը: Մրցույթներում հաղթելու դիմաց փոխնախարարն իր վարորդի օժանդակությամբ պայմանավորվածություն է ձեռք բերել ստանալ առանձնապես խոշոր չափերով կաշառք։