Գերմանիայում ուժի մեջ է մտել կորոնավիրուսով պայմանավորված երկրում առկա սահմանափակումները մեղմելու որոշումը: Այս մասին հայտնել է «Deutsche welle»-ը ։
Մայիսի 4-ին դաշնային բազմաթիվ երկրամասերում թույլատրվել է վերաբացել վարսավիրանոցները, կրոնական հաստատությունները, ինչպես նաև դպրոցները։
Բազմաթիվ քաղաքներում բացվել են թանգարանները, ցուցասրահները, կենդանաբանական այգիները և բուսաբանական այգիները: Սաքսոնիա-Անհալթ երկրամասում թույլատրվում է մինչև հինգ անձի հավաքվելը, եթե պահպանվելու է 1,5 մետր սոցիալական հեռավորություն:
Որոշ երկրամասերում թույլատրվել է բացել առևտրի կենտրոնները: Նշվում է, որ սահմանափակումների մեղմացումն ուղեկցվում է անվտանգության կանոնները խիստ պահպանելու ցուցումով ու գործընթացի վերահսկողությամբ: