կարևոր
1323 դիտում, 2 տարի առաջ - 2020-05-03 13:40

ՌԴ վարչապետը գտնվում է մասնագետների հսկողության տակ և շարունակում է բուժումը․ Միշուստինի մամուլի քարտուղարը մանրամասներ է հաղորդել

ՌԴ վարչապետը գտնվում է մասնագետների հսկողության տակ և շարունակում է բուժումը․ Միշուստինի մամուլի քարտուղարը մանրամասներ է հաղորդել

ՌԴ վարչապետ Միխայիլ Միշուստինը, ով վարակվել է կորոնավիրուսով, իրեն նորմալ է զգում և շարունակում է բուժվել։ Այս մասին հայտնել է վարչապետի մամուլի քարտուղար Բորիս Բելյակովը, հաղորդում է ТАСС-ը։

«Միխայիլ Վլադիմիրովիչը գտնվում է մասնագետների հսկողության տակ և շարունակում է բուժումը։ Ինքնազգացողությունը, ընդհանուր առմամբ, նորմալ է ։ Վարչապետը աշխատում է փաստաթղթերով եւ գործընկերների հետ ակտիվորեն շփվում է հեռախոսակապի միջոցով»,-նշել է Բելյակովը։

Հիշեցնենք, որ հինգշաբթի ՌԴ նախագահ Վլադիմիր Պուտինի հետ տեսակոնֆերանսի ընթացքում Միշուստինը հայտնել է, որ իր մոտ ախտորոշվել է կորոնավիրուս։ Վարչապետն ընդգծել է, որ պետք է ինքնամեկուսանա եւ կատարի բժիշկների նշանակումները։ Միշուստինի հիվանդության ընթացքում վարչապետի պարտականությունները կկատարի փոխվարչապետ Անդրեյ Բելոուսովը։