կարևոր
1321 դիտում, 2 տարի առաջ - 2020-05-02 23:13

Փարիզում այրվել են գործվածքների եւ բժշկական դիմակների պահեստներ

Փարիզում այրվել են գործվածքների եւ բժշկական դիմակների պահեստներ

Փարիզի Բոբինյի արվարձանում գտնվող պահեստներում շաբաթ լույս գիշերը հրդեհ է բռնկվել։ Ավելի քան 150 հրշեջ է ներգրավված եղել մարման աշխատանքներում: Ինչպես հաղորդում է ТАСС-ը՝ հղում անելով Le Parisien թերթին, նրանցից մեկում եղել են բժշկական դիմակներ։

Պատճառված վնասի չափը, ինչպես և այրված դիմակների քանակը, չի հաղորդվում։ Հայտնի է միայն, որ հրդեհը սկսվել է տեղի ժամանակով ժամը 05:00-ին գործվածքներով պահեստում եւ ավելի ուշ տարածվել հարեւան շենքերի վրա: Նշվում է, որ այդ տարածքում պահվում էր Ասիայից ներկրված արտադրանքը։

Նախնական տվյալներով՝ ոչ ոք չի տուժել։ Հրդեհը մեկուսացվել է մի քանի ժամ անց։ Պատճառները դեռ հայտնի չեն, ոստիկանությունը չի բացառում հրկիզման վարկածը։