կարևոր
1077 դիտում, 1 տարի առաջ - 2020-05-02 18:16

Իգուաինը կարող է կարիերան շարունակել հայրենիքում

Իգուաինը կարող է կարիերան շարունակել հայրենիքում

Թուրինի «Յուվենտուս»-ի արգենտինացի հարձակվող Գոնսալո Իգուաինը կարող է կարիերան շարունակել հայրենիքում:

Այս մասին հայտնում են արգենտինական ԶԼՄ-ները: Բուենոս Այրեսը ներկայացնող «Ռիվեր Փլեյթ»-ի սպորտային տնօրեն Էնցո Ֆրանչեսկոլին հույս է հայտնել, որ թիմը կկարողանա պայմանագիր կնքել Իգուաինի հետ: Արգենտինական թիմը դեռևս պաշտոնապես չի սկսել բանակցել հարձակվողի հետ:

Ավելի վաղ հայտնի էր դարձել, որ Իգուաինը ինքնամեկուսացման ընթացքում վերադարձել է հայրենիք` Արգենտինա, որպեսզի լինի հիվանդ մոր կողքին: «Յուվենտուս»-ը պահանջել է արտերկրում գտնվող ֆուտբոլիստներին կրկին վերադառնալ Իտալիա, սակայն Իգուաինը հրաժարվել է:

Գոնսալո Իգուաինը «Յուվենտուս» է տեղափոխվել 2016 թվականին: Մինչ այդ արգենտինացին հանդես է եկել «Ռեալ»-ում, «Նապոլի»-ում, «Միլան»-ում և «Չելսի»-ում: «Արքայական ակումբի» կազմում Իգուաինը երեք անգամ դարձել է Իսպանիայի չեմպիոն: «Նապոլի»-ի կազմում` Իտալիայի գավաթակիր և սուպերգավաթակիր, իսկ «Յուվենտուս»-ի հետ երկու անգամ հաղթել Սերիա Ա-ում, երկու անգամ էլ տիրացել Իտալիայի գավաթին: