կարևոր
1589 դիտում, 2 տարի առաջ - 2020-05-02 10:29

Անհայտ տեսակի օձը խայթել է 47-ամյա կնոջը

Անհայտ տեսակի օձը խայթել է 47-ամյա կնոջը

Մայիսի 1-ին՝ ժամը 10:36-ին, Ճգնաժամային կառավարման ազգային կենտրոն ահազանգ է ստացվել, որ Վայոց ձորի մարզի Ելփին գյուղի հանդամասերից մեկում անհայտ տեսակի օձը խայթել է տեղի բնակիչներից մեկին:

Դեպքի վայր են մեկնել ԱԻՆ ՓԾ մարզային ճգնաժամային կառավարման կենտրոնի օպերատիվ խումբը. ճանապարհի անանցանելիության պատճառով փրկարարները ճանապարհը շարունակել են ոտքով՝ մոտ 1 կմ:

ԱԻՆ լրատվական ծառայությունից հայտնում են, որ դեպքը տեղի է ունեցել «Վարդանես» կոչվող տարածքում:

Փրկարարները Գայանե Ե.-ին (ծնված 1973 թ.) մոտեցրել են շտապօգնության ավտոմեքենային, ով հոսպիտալացվել է Եղեգնաձորի ԲԿ: Բժիշկները տուժածի առողջական վիճակը գնահատել են միջին ծանրության: