կարևոր
1241 դիտում, 2 տարի առաջ - 2020-05-01 12:12

Մայիսի 1-ն արդարության պայքարի խորհրդանիշ է․ ՀՅԴ

Մայիսի 1-ն արդարության պայքարի խորհրդանիշ է․ ՀՅԴ

ՀՅԴ Հայաստանի ԳՄ շնորհավորական ուղերձը աշխատանքի օրվա առթիվ.

«Սիրելի հայրենակիցներ, 

Այսօր մայիսի 1-ն է, Աշխատանքի և աշխատավորների իրավունքների պաշտպանության օրը:  Մեզանում բոլոր ժամանակներում հատուկ ակնածանք է դրսևորվել աշխատանքի և աշխատավորի նկատմամբ: Հայ ժողովուրդը հավաքական արարումով և քրտնաջան աշխատանքով է կերտել իր ինքնությունը, ամրապնդել պետականությունը:

Համավարակի, նաև սոցիալ-տնտեսական և հոգեբարոյական աննախադեպ մարտահրավերների պատճառով ծանր ժամանակներ է ապրում մեր ողջ հասարակությունը: Միանշանակ է, որ ճգնաժամի հաղթահարման գրավականը աշխատավորների իրավունքների պաշտպանությունն է, սոցիալական արդարությունն ու համերաշխությունը, հանրային արդյունքի արդար բաշխումն ու աշխատանքային հարաբերությունների իրավական կարգավորումը:

Մայիսի 1-ը արդարության պայքարի խորհրդանիշ է: Աներկբա է՝ օրեցօր խորացող մարտահրավերները հաղթահարելու, հասարակության բոլոր շերտերի բարեկեցիկ և արժանապատիվ կյանքի համար համարժեք պետական քաղաքականություն է անհրաժեշտ:

Սիրելի' հայրենակիցներ, շնորհավորում ենք Աշխատանքի օրվա առթիվ և մեր հաստատակամությունը հայտնում՝ կանգնելու աշխատավորի կողքին, պաշտպանելու նրա իրավունքները հանուն համազգային բարօրության և մեր երկրի անխաթար և խաղաղ զարգացման»: