կարևոր
1953 դիտում, 2 տարի առաջ - 2020-04-30 22:06

2020-2021 ուսումնական տարում ուսուցումը կլինի և՛ անվճար, և՛ վճարովի․ Արայիկ Հարությունյան

2020-2021 ուսումնական տարում ուսուցումը կլինի և՛ անվճար, և՛ վճարովի․ Արայիկ Հարությունյան

ՀՀ կրթության, գիտության, մշակույթի և սպորտի նախարարությունը հանդես է եկել նոր օրենսդրական նախաձեռնությամբ, համաձայն որի քոլեջներում 2020-2012 ուսումնական տարում ուսուցումը կլինի և՛ անվճար, և՛ վճարովի։ Այս մասին Ազատություն ռադիոկայանի «Ֆեյսբուքյան ասուլիս» հաղորդաշարին ասաց ՀՀ կրթության, գիտության, մշակույթի և սպորտի նախարար Արայիկ Հարությունյանը։

«Մենք պետք է հասցնենք իրականացնել այդ օրենսդրական նախաձեռնությունը, նախատեսում ենք նաև հասցնել բաշխել տեղերը։ Երկրում հայտարարված արտակարգ պայմաններում պետք է կարողանանք դա անել»,- նշեց Հարությունյանը։

ՀՀ քոլեջներում և ուսումնարաններում 2019-2020 ուսումնական տարում չի իրականացվելու ավարտական դիպլոմային աշխատանքների պաշտպանությունը, ինչպես նաև քննությունները։