կարևոր
1087 դիտում, 1 տարի առաջ - 2020-04-30 21:18

Պարենի տեսքով աջակցություն՝ եկամուտներից զրկված կարիքավոր ընտանիքներին

 Պարենի տեսքով աջակցություն՝ եկամուտներից զրկված կարիքավոր ընտանիքներին

Շիրակի մարզի կարիքավոր ընտանիքներին «Պարենային շտապ օգնություն» ծրագրի շրջանակում փաթեթների տրամադրումը շարունակվում է։ Այս մասին տեղեկացնում է ծրագրի նախաձեռնող խումբը։
Թիմին աջակցում են մարզպետարանն ու «Գյումրին առանց տնակների» հիմնադրամը։
900 փաթեթ ձեռք է բերվել Շիրակի մարզպետարանի օգնությամբ, 500 փաթեթ տրամադրել է «Մի բան անենք» նախաձեռնությունը, 300 արկղ՝ Ռուսաստանի հայերի միության նախագահ Արա Աբրահամյանը։ Առաջիկայում սպասվում է աջակցություն նաև «Դիակոնիա» բարեգործական հիմնադրամի կողմից։ Գյումրիի սուպերմարկետներում և մեծ խանութներում տեղադրվել են նաև  ծրագրի տարբերանշաններով սայլակներ ու արկղեր, որտեղ քաղաքացիները պարենի տեսքով աջակցություն են  ցուցաբերում առկա իրավիճակով պայմանավորված եկամուտներից զրկված կարիքավոր ընտանիքներին:
Այս պահի դրությամբ 1000 ընտանիք արդեն աջակցություն է ստացել։