կարևոր
928 դիտում, 1 տարի առաջ - 2020-04-29 16:53

«Մեծ վախ կա ինձնից». Արթուր Վանեցյանը՝ ԶՊՄԿ-ում Միքայել Մինասյանի փայաբաժինը գնելու մասին․ Factor.am

«Մեծ վախ կա ինձնից». Արթուր Վանեցյանը՝ ԶՊՄԿ-ում Միքայել Մինասյանի փայաբաժինը գնելու մասին․ Factor.am

 «Միանշանակ հերքում եմ այդ տեղեկությունները»: Այս մասին Factor.am-ի հետ զրույցում ասել է ԱԱԾ նախկին տնօրեն Արթուր Վանեցյանն՝ անդրադառնալով վարչապետ Նիկոլ Փաշինյանի մամուլի խոսնակի այն գրառմանը, որ Զանգեզուրի պղնձամոլիբդենային կոմբինատում Միքայել Մինասյանի փայաբաժինն ինքն է գնել:

«ԶՊՄԿ-ում Միքայել Մինասյանի փայաբաժինն, օրինակ, առերևույթ պաշտոնական լիազորությունների չարաշահմամբ և կրկին կեղծ փայատերերի օգնությամբ ձեռք է բերել ԱԱԾ նախկին տնօրեն Արթուր Վանեցյանը։ Վերջինիս հորը պատկանող ընկերությունը դարձել է նաև ԶՊՄԿ-ի բեռների խոշոր փոխադրող»,- գրել էր վարչապետի խոսնակը։

Արթուր Վանեցյանն ասել է, որ այս կապակցությամբ շուտով կլինի մամուլի հաղորդագրություն: Իսկ հարցին, թե ինչու է իր անունը կապվում ԶՊՄԿ-ի հետ, Վանեցյանը պատասխանել է.

«Ես բազմաթիվ անգամներ դա հերքել եմ, այդ թվում նաև Ձեզ հետ զրույցում: Իմ անունը շահարկում են, որովհետեւ մեծ վախ կա ինձնից: Մնացածը կլինի պաշտոնական հայտարարությամբ»:

Հիշեցնենք, որ Արթուր Վանեցյանը 2019 թվականին հեռացավ ԱԱԾ տնօրենի պաշտոնից, որից հետո նա և Նիկոլ Փաշինյանը բացահայտ սկսեցին միմյանց սուր քննադատել: 2019-ի նոյեմբերին տեղեկություն հրապարակվեց, որ Արթուր Վանեցյանի ազգականները ԶՊՄԿ-ում փայաբաժին են ձեռք բերել: Նա, սակայն բազմիցս հերքել  է այդ տեղեկությունը: