կարևոր
1356 դիտում, 2 տարի առաջ - 2020-04-29 13:00

Լա լիգան կարող է վերսկսվել հունիսի սկզբին  

Լա լիգան կարող է վերսկսվել հունիսի սկզբին  

  Իսպանիայի ֆուտբոլի առաջնությունը կարող է վերսկսվել հունիս ամսվա ընթացքում: Իսպանիայի վարչապետ Պեդրո Սանչեսը հստակեցրել է, թե ինչպես կընթանա հետկարանտինային մարզումային շրջանը: Մայիսի 4-ից ֆուտբոլիստները կարող են սկսել անհատական մարզումները, մայիսի 18-ից ակումբները կարող են ոչ մեծ խմբերով անցնել ընդհանուր մարզումների: Իսկ ահա արդեն հունիսի 1-ից թիմերին կթույլատրվի ընդհանուր մարզումը: Լա լիգան կարող է վերսկսվել հունիսի 5-ին կամ հունիսի 12-ին:

Ավելի վաղ հայտնի էր դարձել, որ  Իսպանիայի ֆուտբոլի առաջնության` Լա լիգայի, մյուս հատվածը չի չեղարկվի, և մրցաշրջանը կհասցվի ավարտին: Իսպանական բարձրագույն լիգայի, Ֆուտբոլի թագավորական ֆեդերացիայի և Իսպանիայի սպորտի խորհրդի քննարկման արդյունքում են հանգել այս եզրակացությանը: Լիգան ավարտին հասցնելու հիմնական շարժառիթը եղել է ֆինանսական կողմը, քանի որ պանդեմիային լուրջ վնասներ է հասցրել Իսպանիային:

 Իսպանիայի ֆուտբոլի առաջնությունը դադարեցվեց  մարտի 12-ին կորոնավիրուսի պանդեմիայի պատճառով: