կարևոր
1228 դիտում, 2 տարի առաջ - 2020-04-28 11:20

Բելգիան վարձում է գործակալների՝ վարակվածների շարժը դիտարկելու համար

Բելգիան վարձում է գործակալների՝ վարակվածների շարժը դիտարկելու համար

Բելգիայում հավաքագրվում են մարդիկ, որոնք կդիտարկեն կորոնավիրուսով վարակված անձանց ունեցած շարժը: Այս մասին գրում է «Еuronews»-ը:

Բելգիան հապճեպ հավաքում է 2 000 մարդու այդ գործընթացը հեռախոսով կազմակերպելու համար: Նշվում է, որ այդ մարդիկ աշխատելու են հեռախոսային զանգերի կենտրոնից:

«Յուրաքանչյուր նոր վարակված անձի հետ կապ կհաստատվի և կճշգրտվի նրա շփման շրջանակը վերջին 14 օրվա ընթացքում»,- նշել է պատգամավոր Ժիլ Վանդեն Բուրեն: Շփման շրջանակը հստակեցնելուց հետո արդեն աշխատանք կկատարվի կոնտակտավորների հետ՝ տալով համապատասխան ցուցումներ: Նշվում է, որ այդ ընթացքում վարակվածի անունը չի հիշատակվի:

Այդ հեռախոսային խոսակցություններում չեն բացահայտվի որևէ այլ անձնական տվյալներ, ինչպես նաև տեղն ու ժամը, թե մոտավորապես, երբ կարող էր քաղաքացին վարակված լիներ: Պատգամավորը տեղեկացրել է, որ քննարկվում են աստիճանաբար կարանատինից դուրս գալու հնարավորությունները, ինչին զուգահեռ շարունակելու են հետևել վարակի զարգացումներին: