կարևոր
1785 դիտում, 2 տարի առաջ - 2020-04-27 23:15

Կիպրոսը ակնկալում է հուլիսին ընդունել առաջին արտասահմանցի զբոսաշրջիկներին

Կիպրոսը ակնկալում է հուլիսին ընդունել առաջին արտասահմանցի զբոսաշրջիկներին

Համաճարակի դեմ հաջող պայքարի արդյունքում Կիպրոսն ակնկալում է հուլիսին ընդունել առաջին արտասահմանցի զբոսաշրջիկներին, սակայն Ռուսաստանում եւ Մեծ Բրիտանիայում անբարենպաստ համաճարակաբանական իրավիճակի պատճառով այդ երկրների քաղաքացիները դժվար թե գտնվեն կղզու առաջին հյուրերի շարքում, հայտնում է «Ինտերֆաքս»-ը:

«Երկրի իշխանություններին դեռ հաջողվում է վերահսկել վիրուսի տարածումը, ուստի նրանք պլանավորում են հուլիսին սկսել կղզում օտարերկրյա զբոսաշրջիկների ընդունումը: Միեւնույն ժամանակ, Ռուսաստանից եւ Մեծ Բրիտանիայից՝ Կիպրոսի համար առանցքային շուկաներից ժամանած հյուրերը դժվար թե լինեն առաջիններից, ովքեր կվերադառնան կղզի՝ իրենց երկրներում անբարենպաստ համաճարակաբանական իրավիճակի պատճառով»,- այս մասին ասել է Կիպրոսի զբոսաշրջության փոխնախարար Սավաս Պերդիոսին։

Կիպրոսում երկուշաբթի օրը արձանագրվել է կորոնավիրուսային վարակի 817 դեպք, մահացել է 16 մարդ:

Կղզում հիմնականում սպասում են զբոսաշրջիկների այն երկրներից, որոնք հաջողությամբ հաղթահարում են կորոնավիրուսը: Դրանց թվում են Գերմանիան, Շվեյցարիան, Ավստրիան, հյուսիսային Եվրոպայի երկրները, Հունաստանը, Իսրայելը եւ, հավանաբար, Նիդեռլանդները: Ինչ վերաբերում է Մեծ Բրիտանիային եւ Ռուսաստանին, համաճարակի գագաթնակետը այնտեղ դեռ չի անցել: