կարևոր
1431 դիտում, 2 տարի առաջ - 2020-04-27 21:28

Իսրայելի որոշ հյուրանոցների թույլատրել են հյուրերին ընդունել մայիսի 3-ից

Իսրայելի որոշ հյուրանոցների թույլատրել են հյուրերին ընդունել մայիսի 3-ից

Իսրայելում ընթացիկ տարվա մայիսի 3-ից փոքր քոթեջներում, ինչպես նաև այն հյուրանոցներում, որոնք ունեն սենյակներ, որոնց մուտքերը առաջին հարկից են՝ կրկին կթույլատրվի հյուրեր ընդունել։ Գրում է «ՌԻԱ Նովոստի»-ն՝ հղում անելով երկրի Զբոսաշրջության նախարարությանը։

Ապրիլի 27-ին Իսրայելում տեղի է ունեցել խորհրդակցություն երկրի վարչապետ Բենյամին Նեթանյահուի գլխավորությամբ, որտեղ քննարկվել է զբոսաշրջության վերսկսման հարցը: Դրա արդյունքում հավանության է արժանացել Իսրայելի զբոսաշրջության նախարար Յարիվ Լևինի առաջարկը՝ ոլորտն աստիճանաբար աշխատանքի վերադարձնելու վերաբերյալ։

Որոշվել է նաև, որ առաջիկա օրերին Իսրայելի առողջապահության նախարարության հետ կմշակվի «Մանուշակագույն նշան» հատուկ ստանդարտը, որը հաստատում է կորոնավիրուսի պանդեմիայի գործողության ընթացքում հյուրանոցների և համարների շահագործման հնարավորությունը: Զբոսաշրջության ոլորտում գործունեությանը վերադառնալու հետագա քայլերը կախված կլինեն համաճարակաբանական իրավիճակից։