կարևոր
1482 դիտում, 2 տարի առաջ - 2020-04-27 21:02

Եղեգնուտցին երկու օրում ապօրինի հատել էր 25-ից ավելի ծառ․ Գուգարքի ոստիկանների բացահայտումը (ՏԵՍԱՆՅՈՒԹ)

Ոստիկանության Գուգարքի բաժնի ծառայողները տեղեկություններ էին ստացել, որ Եղեգնուտ գյուղի 61-ամյա մի բնակիչ վարչական տարածքում ապօրինի ծառահատումներ է արել: Այս մասին հայտնում են ՀՀ ոստիկանության հասարակայնության հետ կապերի և լրատվության վարչությունից։

Ստացված տեղեկությունների իսկությունը ստուգելուց հետո, ապրիլի 22-ին՝ ժամը 13.30-ի սահմաններում, կասկածվողը բերման է ենթարկվել ոստիկանության Գուգարքի բաժին:

Պարզվել է, որ նա 2019 թվականի նոյեմբերին, երկու օր անընդմեջ, Եղեգնուտ գյուղի հանդամասում բենզասղոցով ապօրինի հատել է 25-ից ավելի տարբեր տեսակի ու տրամագծի ծառեր: Ըստ բերման ենթարկվածի` փայտանյութի մի մասը երկու ամիս առաջ վաճառել է, իսկ մյուս մասը մոտ 10 օր առաջ անտառտնտեսության աշխատակիցները հատման վայրից բեռնատարով տարել են:

Հանգամանքները պարզվում են: Վնասի չափը ճշտվում է:

Փաստի առթիվ նախապատրաստվում են նյութեր: