կարևոր
754 դիտում, 1 տարի առաջ - 2020-04-27 14:32

Ուկրաինայի իշխանությունները նշել են կարանտինի սահմանափակումներն արագ հանելու պայմանները

Ուկրաինայի իշխանությունները նշել են կարանտինի սահմանափակումներն արագ հանելու պայմանները

Ուկրաինայում կորոնավիրուսով վարակվածության դեպքերի արագ անկման պարագայում հնարավոր կլինի կարանտինից դուրս գալու առաջին փուլից անցում կատարել միանգամից երրորդին և չորրորդին: Այս մասին հայտնել է երկրի գլխավոր սանիտար Վիկտոր Լյաշկոն, հաղորդում է РИА Новости-ն։

Ավելի վաղ Ուկրաինայի վարչապետ Դենիս Շմիգալը ներկայացրել էր կառավարության՝ մայիսի 11-ից կարանտինից դուրս գալու ծրագիրը, որը ենթադրում է 5 փուլ:

«Եթե մենք ունենանք հիվանդների թվի կտրուկ նվազում, ապա կարող ենք առաջին փուլից անցում կատարել հաջորդներին»,-ասել է գլխավոր սանիտարը:

Ուկրաինայի կառավարությունը կորոնավիրուսի բռնկմամբ պայմանավորված՝ մարտի 12-ից երկրում մտցրել է կարանտին: Ապրիլի 6-ից կարանտինի պայմանները խստացվել են. արգելվում է դրսում հավաքվել, զբոսնել այգիներում, անտառածածկ տարածքներում, այցելել մարզական, մանկական հրապարակներ: Ուկրաինացիները պարտավորվել են կրել պաշտպանիչ դիմակներ, տնից դուրս գալուց ունենալ անձը հաստատող փաստաթուղթ: Վարակվածների ընդհանուր թիվը 9 009 է, մահացածներինը՝ 220: