կարևոր
1437 դիտում, 2 տարի առաջ - 2020-04-27 12:08

Սեուլում մեկնաբանել են Կիմ Չեն Ընի առողջական վիճակի մասին խոսակցությունները

Սեուլում մեկնաբանել են Կիմ Չեն Ընի առողջական վիճակի մասին խոսակցությունները

Հարավային Կորեայի կառավարությունը չի նկատել որևէ նշան, որը կհաստատեր Հյուսիսային Կորեայի առաջնորդ Կիմ Չեն Ընի առողջական վիճակի մասին խոսակցությունները:

«ՌԻԱ Նովոստի»-ն տեղեկացնում է, որ այս մասին հայտարարել են Միավորման գործերի նախարարությունում:

«Կիմ Չեն Ընի առողջական վիճակի հետ կապված խոսակցությունները հաստատելու որևէ նշան չկա: Ինչպես արդեն նշվել էր Ազգային անվտանգության խորհրդի նախագահության նիստում, որևէ անսովոր միտում չի երևում»,- կորեական «Yonhap» լրատվական գործակալությունը մեջբերում է նախարարության ներկայացուցիչ Չո Խե Սիլի խոսքը:

Ավելի վաղ արևմտյան լրատվամիջոցները տեղեկություններ էին տարածել այն մասին, թե Կիմ Չեն Ընի առողջական վիճակը ծանր է: Նույնիսկ ենթադրություններ եղան նրա մահվան վերաբերյալ: Նշվում էր, որ նա երկու անգամ չի մասնակցել Հյուսիսային Կորեայում տեղի ունեցած կարևոր միջոցառումներին: