կարևոր
1520 դիտում, 2 տարի առաջ - 2020-04-26 21:37

Իջևանի 32-ամյա բնակիչը փախել է Նուբարաշենի հոգեբուժարանից

Իջևանի 32-ամյա բնակիչը փախել է Նուբարաշենի հոգեբուժարանից

Ապրիլի 24-ին՝ ժամը 16:20-ի սահմաններում, «Հոգեկան առողջության պահպանման ազգային կենտրոն» ՓԲԸ-ում՝ Նուբարաշենի հոգեբուժարանի թիվ 3 հատուկ հսկողության բաժանմունքից փախուստի է դիմել Իջևան քաղաքի բնակիչ, 32-ամյա Արման Մանուկյանը: Այս մասին հայտնում է SHAMSHYAN.com-ը։

 Ըստ լրատվականի՝ վերջինս դատարանի որոշմամբ տեղավորված է եղել հատուկ հսկողության բաժանմունքում և փախուստի է դիմել զբոսնելու ժամանակ:

Նշվում է, որ նա ժամեր անց Նուբարաշենի հոգեբուժարանի աշխատակիցների կողմից բռնվել է Նուբարաշենի խճուղում, և նրան հազիվ են հոգեբուժարանի ծառայողները ճանաչել, քանի որ եղել է բժշկական դիմակով և անվտանգության ձեռնոցներով:

Դեպքի փաստով ոստիկանության Էրեբունու բաժնի հետաքննչական բաժանմունքում նյութեր են նախապատրաստվում: