կարևոր
1484 դիտում, 2 տարի առաջ - 2020-04-26 13:30

Գերմանական ոստիկանությունը դեմ է Բունդեսլիգայի վերսկսմանը

Գերմանական ոստիկանությունը դեմ է Բունդեսլիգայի վերսկսմանը

Գերմանիայի ոստիկանությունը դեմ է արտահայտվել Բունդեսլիգայի վերսկսման գաղափարին:

Այս մասին գրում է Frankfurter Allgemeine Zeitung-ը: Ըստ ոստիկանության, առաջնության վերսկսում կարող է լուրջ հետևանքներ ունենալ կորոնավիրուսի պանդեմիայի այս շրջանում, քանի որ երկրպագուները չպետք է հավաքվեն մարզադաշտի շրջակայքում: Եվ եթե երկրպագուները որոշեն նման քայլի դիմել, ապա ոստիկանությունը ստիպված կլինի միջամտելու` կարգը վերականգնելու համար:

Ավելի վաղ հայտնի էր դարձել, որ  Գերմանիայի առողջապահության նախարարությունը հանդես է եկել հայտարարությամբ, ըստ որի մայիսի 9-ից հնարավոր կլինի վերսկսել Բունդեսլիգան: Այժմ Բունդեսլիգայի մի շարք ակումբներ սկսել են մարզումներն իրենց բազաներում:  Խաղերը կանցնեն առանց հանդիսականների, ակումբներից յուրաքանչյուրից մարզադաշտում կլինի 126 անձ, այդ թվում՝ ֆուտբոլիստները: Իսկ լրագրողներից տրիբունաներում կլինի միայն 30 ներկայացուցիչ: 

Գերմանական Բունդեսլիգան դադարեցվել է կորոնավիրուսի պանդեմիայի պատճառով: