կարևոր
2178 դիտում, 2 տարի առաջ - 2020-04-25 23:49

Թուրքիայի Այդըն նահանգում հայտնաբերվել են 18-­րդ դարի հայկական տապանաքարեր․ (ֆոտոշարք)

Թուրքիայի Այդըն նահանգում հայտնաբերվել են 18-­րդ դարի հայկական տապանաքարեր․ (ֆոտոշարք)

Թուրքիայի Այդըն նահանգի Նազիլլի քաղաքում զբոսայգու կառուցման աշխատանքների ժամանակ ապրիլի 22-ին հայտնաբերվել են 18­րդ դարի երկու արձանագիր տապանաքարեր: 

Այս մասին «Ֆեյսբուք»-ի իր էջում գրել է Հայկական ճարտարապետությունն ուսումնասիրող հիմնադրամի գիտաշխատող Րաֆֆի Քորթոշյանը։

«Մշակութային եղեռնը շարունակվում է. յուրացված հայոց գերեզմանոցի տեղում՝ թուրքական ոստիկանական դպրոց, ապա քաղաքային այգի:

Թուրքիայի Նազիլլի քաղաքի նախկին ոստիկանական դպրոցի տարածքում իրականացված քաղաքային այգու կառուցման աշխատանքների ժամանակ, ապրիլի 22-ին, հայտնաբերվել են 18 դարի երկու արձանագիր տապանաքարեր: Տապանաքարերում հիշատակվում են Հայաստանի Տաշտուն և Կարպի գյուղերը»,- գրել է Քորթոշյանը։

Գիտաշխատողը նշել է, որ  «Նազիլլի Հավատիս» թերթի լրագրող Մեհմեդ Ալի Ջինթոսունի հրապարակած լուսանկարներում հնարավոր է ընթերցել հետևյալ արձանագրությունները.

  1. Այս է տապան տաշտունեցի տր. Մօվսէսի որդի Յօսէփին, թվ. ՌՃՀԷ (1728 թ.):
  2. Այս է տապան կարպէցի տր. Մարտիրոսի կողակից Էպրաքին որ փոխեցաւ առ Ած., թվն. ՌՄԺԷ (1768 թ.), փէդրվարի Զ (6)-ին: Այս հինկ երէխաս ըս դուրան»: