կարևոր
1268 դիտում, 2 տարի առաջ - 2020-04-24 21:17

Աղոթենք հայ ժողովրդի և Հայոց ցեղասպանության զոհերի հիշատակի համար․ Վիլնյուսի արքեպիսկոպոսի ուղերձը

Աղոթենք հայ ժողովրդի և Հայոց ցեղասպանության զոհերի հիշատակի համար․ Վիլնյուսի արքեպիսկոպոսի ուղերձը

Լիտվայի մայրաքաղաք Վիլնյուսի  արքեպիսկոպոս Գինտարաս Գրուսասը ուղերձ է հղել Հայոց ցեղասպանության 105-րդ տարելիցի կապակցությամբ: Վիլնյուսի արքեպիսկոպոսը ուղերձում ասել է․

«Անցյալ դարում աշխարհում կատարվել են բազմաթիվ ողբերգություններ, սպանվել են մարդիկ։ Եկեք աղոթենք հայ ժողովրդի և  զոհերի հիշատակի համար, եկեք վերհիշենք անցյալ դարի բոլոր զոհերին՝ նրանց, ովքեր հայտնվել էին  դաժան փորձությունների հորձանուտում և զոհաբերել էին իրենց կյանքը»։

Օսմանյան կայսրության կողմից 1915 թ․ հայերի նկատմամբ իրականացված ցեղասպանությունը 20-րդ դարասկզբի մեծագույն ոճրագործությունն էր։ Աշխարհասփյուռ հայությունը նշում է Հայոց ցեղասպանության 105-րդ տարելիցը։ Ցեղասպանությունը ճանաչել և դատապարտել է մոտ երեք տասնյակ պետություն, այդ թվում նաև Լիտվան։ 2005 թվական դեկտեմբերի 15-ին Սեյմասն ընդունել էր Օսմանյան կայսրությունում հայերի ցեղասպանության փաստը։