կարևոր
1483 դիտում, 2 տարի առաջ - 2020-04-24 20:18

Այսուհետ պատմական Անիի դիմաց 21 մետր բարձրությունից կծածանվի հայոց եռագույնը (ԼՈւՍԱՆԿԱՐՆԵՐ)

Այսուհետ պատմական Անիի դիմաց 21 մետր բարձրությունից կծածանվի հայոց եռագույնը (ԼՈւՍԱՆԿԱՐՆԵՐ)

Հայոց ցեղասպանության 105-րդ տարելիցի օրը հայ-թուրքական սահմանին՝  պատմական Անիին շատ մոտ, տեղադրվել է եռագույն դրոշն  ու խաչքար: 21 մետր բարձրության վրա տեղադրված դրոշն ունի 10 մետր երկարություն և 5 մետր լայնք: Տեղադրված խաչքարն օծվել է:

Խորհրդանշական արարողությանը մասնակցել են Շիրակի մարզպետ Տիգրան Պետրոսյանը, Գյումրու քաղաքապետ Սամվել Բալասանյանը, պաշտոնատար այլ անձինք, հյուրեր: Դրոշը Հայաստանում տեղադրված ամենամեծ դրոշներից է, որը  շատ հստակ է երևում սահմանից այն կողմ: «Անշուշտ, շատ հուզիչ ու խորհրդանշական էր: Դրոշը վեր է խոյացել անմիջապես Անի մայրաքաղաքի դիմաց  ու խորհրդանշական ՝ ապրիլի 24-ին,  որն իր մեջ ամփոփում է կարևոր մի միտք՝ եղել ենք, կանք ու կլինենք։ Իսկ սահմաններն ու սահմանային բնակավայրերը պետք է հայի շնչով լցվեն և առավել ամուր լինեն»,-իր խոսքում նշեց Շիրակի մարզպետ Տիգրան Պետրոսյանը:

Նախաձեռնությունը հնարավոր է դարձել ռուսաստանաբնակ Ասլանյան, Խռանյան և Գրիգորյան ընտանիքների աջակցության շնորհիվ։