կարևոր
1650 դիտում, 2 տարի առաջ - 2020-04-24 18:25

Հպարտ էի Սենատում ջանքեր գործադրելու համար. Թեդ Քրուզը՝ Հայոց ցեղասպանությունը ճանաչող բանաձի մասին

ԱՄՆ սենատոր Թեդ Քրուզը Հայոց ցեղասպանության 105-րդ տարելիցի առթիվ գրառում է կատարել «Թվիթեր»-ի իր միկրոբլոգում:

Քրուզը մասնավորապես գրել է. «Այսօր մենք հանդիսավորությամբ հիշում ենք 105 տարի առաջ Հայոց ցեղասպանության ժամանակ զոհված 1.5 մլն անմեղ հոգիներին: Ես հպարտ էի Հայոց ցեղասպանությունը հիշատակող ու ընդունող երկկուսակցական բանաձևն անցկացնելու նպատակով ջանքերը գործադրելու համար»:

2019-ի դեկտեմբերի 12-ին ԱՄՆ Սենատը միաձայն ընդունել է Հայոց ցեղասպանությունը ճանաչող և դատապարտող բանաձևը: Բանաձևը հեղինակել էին Բոբ Մենենդեսը և Թեդ Քրուզը: Այն հաջորդել էր Ներկայացուցիչների պալատի թիվ 296 բանաձի ընդունմանը: Դրանից առաջ բանաձևը Սենատի օրակարգ բերելը 3 անգամ արգելափակվել էր մի քանի սենատորների վետոյի իրավունքով: Այս բանաձևը միաձայն ընդունելուց հետո երկու կուսակցությունների 100 սենատորները հաստատել են, որ ԱՄՆ քաղաքականությունը պետք է պաշտոնապես ճանաչի Հայոց ցեղասպանությունը և մերժի այս ողբերգության ճշմարտությունը հերքելու ջանքերը: Թրամփի վարչակազմը սակայն դեռ հրաժարվում է ճանաչել Հայոց ցեղասպանությունը: