կարևոր
1295 դիտում, 2 տարի առաջ - 2020-04-24 12:31

Հայոց Ցեղասպանության զոհերի հիշատակին Ստեփանակերտում կատարվել է սուրբ նահատակների ոգեկոչման կարգ

Հայոց Ցեղասպանության զոհերի հիշատակին Ստեփանակերտում կատարվել է սուրբ նահատակների ոգեկոչման կարգ

Այսօր՝ ապրիլի 24-ին, Հայոց Ցեղասպանության զոհերի հիշատակին Ստեփանակերտում կառուցված «Զանգակատուն» հուշակոթողի մոտ իրենց հարգանքի տուրքն են մատուցել տարբեր գերատեսչությունների անդամներ:

«Արցախպրես»-ի թղթակցի հաղորդմամբ՝ արարողությունից հետո Արցախի թեմի առաջնորդ Պարգև Արքեպիսկոպոս Մարտիրոսյանի հանդիսապետությաբ և հոգևոր դասի մասնակցությամբ կատարվել է սուրբ նահատակների ոգեկոչման կարգ:

Պարգև Արքեպիսկոպոս Մարտիրոսյանն իր խոսքում մասնավորապես ասել է. «Դիմում ենք ողջ աշխարհին, որ Տերը փրկի և ազատի աշխարհի բոլոր ցեղասպանություններից, և որպեսզի այլևս աշխարհի ոչ մի անկյունում չլինի ոճրագործություն և պատերազմ: Չնայած այն հանգամանքին, որ այսօր աշխարհում տարածված է Նոր կորոնավիրուսի համաճարակը, բայց մենք պարտավոր ենք մեր խոնարհումը բերել նրանց հիշատակին և հիշել Հայոց ցեղասպանությանը զոհ գնացած 2 մլն անմեղ զոհերին: Մենք պետք է ապրենք հավատով, հույսով և մնանք անսասան, պահանջատեր»: