կարևոր
1745 դիտում, 2 տարի առաջ - 2020-04-23 21:41

Վթար՝ Հրազդան-Հանքավան ավտոճանապարհին․ 2 վարորդները տեղում մահացել են

Վթար՝ Հրազդան-Հանքավան ավտոճանապարհին․ 2 վարորդները տեղում մահացել են

Ապրիլի 23-ին՝ ժամը 18:00-ի սահմաններում, ավտովթար է տեղի ունեցել Կոտայքի մարզում։ Հրազդան-Հանքավան ավտոճանապարհի Աղավնաձոր գյուղի վարչական տարածքում բախվել են ВАЗ 2106 մակնիշի և Lada Priora մակնիշի ավտոմեքենաները: Shamshyan.com-ը հաղորդում է, որ  բախման հետևանքով 06-ը դուրս է եկել ճանապարհի երթևեկելի գոտուց և հայտնվել ձորակում:

Վթարի հետևանքով 2 վարորդները տեղում մահացել են:

Մահացածների մարմինները ավտոմեքենաներից դուրս են բերել փրկարարները, ճանապարհային ոստիկաններն ու քաղաքացիները և Հրազդանի հիվանդանոցի շտապօգնության բրիգադը տեղափոխել է «Հրազդան» ԲԿ։

Փաստի առթիվ Կոտայքի մարզային քննչական վարչությունում ՀՀ քր օր-ի 242 հոդվածի 3-րդ մասի (ճանապարհատրանսպորտային պատահար, որն անզգուշությամբ առաջացրել է 2 և ավելի մարդու մահ) հատկանիշներով հարուցվել է քրեական գործ։

Ոստիկանությունն ու քննչական բաժինը պարզում են մահացած վարորդների ինքնությունը: