Ինչպես ավելի վաղ տեղեկացրել էինք, Նոր Մոսկվայում կորոնավիրուսով հիվանդների համար ինֆեկցիոն կենտրոն է բացվել։
Ստորև ներկայացնում ենք Նոր կլինիկայի առաջին կադրերը․
Վորոնովսկու ինֆեկցիոն հիվանդանոցը կառուցել են ռեկորդային ժամկետներում՝ ընդամենը մեկ ամսում։
Նոր կլինիկան ժամանակավոր չէ եւ կշարունակի ծառայել կորոնավիրուսի դեմ պայքարն ավարտվելուց հետո, այս մասին նշել է Մոսկվայի քաղաքապետ Սերգեյ Սոբյանինը:
Նոր բժշկական կենտրոնն իրենից ներկայացնում է 50 մեկհարկանի շինություններ և 2-3 հարկանի հանրակացարանների 14 բաժանմունք։
Հիվանդանոցը նախատեսված է 800 մահճակալի համար։ Անհրաժեշտության դեպքում այն կընդլայնվի մինչև 900։
Կլինիկան հագեցած է ժամանակակից սարքավորումներով։
Այստեղ կան վերակենդանացման, ինֆեկցիոն եւ բուժքույրական պալատներ, ինպես նաև անձնակազմի համար հանրակացարաններ։
Հիվանդանոցում աշխատելու են շուրջ հազար մասնագետներ։
Առաջին հիվանդներին այստեղ արդեն ընդունել են երկուշաբթի օրը։
Առայժմ կենտրոնը նախատեսում է ընդունել միայն COVID-19 հիվանդներին։
Սակայն, համաճարակի ավարտից հետո, այստեղ բուժում կստանան տարբեր հիվանդներ։