կարևոր
1395 դիտում, 2 տարի առաջ - 2020-04-22 15:26

Ուկրաինայում կարանտինի ժամկետը երկարաձգվել է

Ուկրաինայում կարանտինի ժամկետը երկարաձգվել է

Ուկրաինայի կառավարությունը հավանության է արժանացրել մի նախագիծ, ըստ որի մինչև 2020 թվականի մայիսի 11-ը երկարաձգվում է կարանտինի ժամկետը, սակայն որոշ մեղմացումներով։ Այս մասին տեղեկացնում է «Ուկրինֆորմ»-ը։

Որոշումը կայացվել է ապրիլի 22-ին կայացած կառավարության նիստում:

Կորոնավիրուսի դեմ պայքարի շրջանակում Ուկրաինայում մարտի 12-ին մտցվել է կարանտինային ռեժիմ:  Փակվել են կրթական հաստատությունները, առևտրի կետերը: Գործում են մթերային խանութները, դեղատները, բենզալցակայանները, բանկերը: Դադարեցվել է մետրոյի աշխատանքը Կիևում, Խարկովում և Դնեպրում: Արգելվում են միջքաղաքային, միջմարզային ավտոմոբիլային, երկաթուղային հաղորդակցությունները:

Ուկրաինայում կորոնավիրուսով վարակվածաների թիվը կազմում է 6 հազար 592 մարդ, մահացածներինը՝ 174: