կարևոր
1630 դիտում, 2 տարի առաջ - 2020-04-22 14:07

Մեծ Բրիտանիայում սկսվում է կորոնավիրուսի դեմ պատվաստանյութի առաջին փորձարկումը

Մեծ Բրիտանիայում սկսվում է կորոնավիրուսի դեմ պատվաստանյութի առաջին փորձարկումը

 Միացյալ Թագավորությունում ապրիլի 23-ին սկսվում է պատվաստանյութի փորձարկումը: Ենթադրվում է, որ այն կարող է պաշտպանել կորոնավիրուսից: Այս մասին հայտարարել է Մեծ Բրիտանիայի առողջապահության և սոցիալական պաշտպանության նախարար Մեթ Հենքոքը, հաղորդում է «Euronews»-ը։

«Օքսֆորդից մի խումբ գիտնականների ես կփոխանցեմ 20 միլիոն ֆունտ ստերլինգ, կամավորներին և փորձարկումներին մասնակցողներին կարվեն պատվաստումներ, որոնք մշակվել են հենց այդ ինստիտուտում: Մեկնարկը կտրվի հինգշաբթի»,-նշել է նախարարը:

Կառավարությունը մտադիր է, ընդհանուր առմամբ, այդ մասնագետներին հատկացնել 43 մլիոն ֆունտ ստերլինգ:

«Սա դեռ փրկության հույս չէ: Մենք դեռ չգիտեք, թե արդյոք պատվաստանյութը կլինի արդյունավետ այդ ինֆեկցիայի դեմ պայքարում: Մենք պետք է երկու գլխավոր հարցի պատասխան ստանանք՝ որքանո՞վ է այն անվտանգ և պատվաստանյութի ներարկումն ի՞նչ կողմնակի ազդեցություններով կարող է ուղեկցվել»,-ասել է Օքսֆորդի համալսարանի պրոֆեսոր Էնդրյու Փոլարդը:

Նշվում է, որ վարակի տարածման դեմ պայքարի կարևոր քայլերից է առավելագույն լայն շրջանակի թեստավորումը: Հաջորդը վարակի պաշտպանության համար նախատեսված միջոցների կիրառումն է, մասնավորապես՝ դիմակներ կրելը: