կարևոր
1657 դիտում, 2 տարի առաջ - 2020-04-22 13:03

Բելառուսում ժամանակավորապես դադարեցվել է արհեստական շնչառական ապարատների արտահանումը

Բելառուսում ժամանակավորապես դադարեցվել է արհեստական շնչառական ապարատների արտահանումը

Բելառուսի կառավարությունը ժամանակավորապես արգելում է երկրից դուրս բերել արհեստական շնչառական սարքավորումներ:

«Ռեգնում»-ը տեղեկացնում է, որ այս մասին նախարարների խորհրդի կայացրած համապատասխան որոշումը հրապարակվել է ապրիլի 22-ին:

Մարտ ամսին Բելառուսում արգելվում էր արտահանել բժշկական որոշ պարագաներ, այժմ արգելք է մտցվում արհեստական շնչառական ապարատների առնչությամբ: Սահմանափակումները վերաբերում են բոլոր շնչառական սարքավորումներին՝ անկախ նրանից, թե որ երկրի արտադրության են:

Ավելի վաղ Բելառուսի իշխանությունները սահմանել էին արգելք մինչև հունիսի 1-ը պաշտպանիչ հագուստի, դիմակների, ակնոցների և հարակից այլ պարագաների արտահանման վերաբերյալ: