կարևոր
1264 դիտում, 2 տարի առաջ - 2020-04-21 14:49

ՄԻՊ աջակցությամբ հետաձգվել է ինքնամեկուսացման մեջ գտնվող քաղաքացու մասնակցությամբ քննչական գործողությունը

ՄԻՊ աջակցությամբ հետաձգվել է ինքնամեկուսացման մեջ գտնվող քաղաքացու մասնակցությամբ քննչական գործողությունը

Քաղաքացին խնդրել է Մարդու իրավունքների պաշտպանի աջակցությունը նոր կորոնավիրուսով (COVID-19) պայմանավորված իր մասնակցությամբ քննչական գործողության իրականացումը հետաձգելու հարցում: Այս մասին հայտնում են ՄԻՊ գրասենյակից։

Նա տեղեկացրել է, որ COVID-19 համավարակով պայմանավորված՝ մանկահասակ երեխաների հետ գտնվում է ինքնամեկուսացման մեջ, սակայն նախաքննություն իրականացնող քննիչն իրեն կանչել է քննչական մարմին։ Բացի այդ, նա մանկահասակ երեխաների միակ խնամողն է:

Մարդու իրավունքների պաշտպանի աշխատակազմը քաղաքացու բարձրացրած խնդիրը քննարկել է քննչական մարմնի հետ, և նախատեսվող քննչական գործողությունը հետաձգվել է։