կարևոր
1408 դիտում, 2 տարի առաջ - 2020-04-20 17:00

Ոստիկանությունը հսկողություն է սահմանել հոգեհանգստի բոլոր արարողությունների ժամանակ

Ոստիկանությունը հսկողություն է սահմանել հոգեհանգստի բոլոր արարողությունների ժամանակ

Հայաստանում նոր տիպի կորոնավիրուսի տարածման կանխարգելման նպատակով հայտարարված արտակարգ դրության օրերին անցկացված 1606 հոգեհանգստի և հուղարկավորության արարողությունների ընթացքում 20-ից ավելի անձանց միաժամանակյա ներկայությունը բացառելու նպատակով ոստիկանությունը հսկողություն է սահմանել։ Այս մասին մամուլի ասուլիսի ժամանակ ասել է ՀՀ փոխոստիկանապետ Հայկ Մհրյանը։

«Ոստիկանության ծառայողների կողմից հսկողություն է սահմանվել միաժամանակյա 20-ից ավելի անձանց ներկայությունը բացառելու և սանիտարահամաճարակային կանոնների պահպանման նպատակով։ Հսկողություն է սահմանվել նաև արտերկրից ստացված 18 փակ դագաղի հուղարկավորության կարգի նկատմամբ է, ինչպես նաև 10 այլ միջոցառումների ընթացքում»,- նշել է Մհրյանը։

Հայաստանի կառավարությունն ապրիլի 14-ին կայացած արտահերթ նիստում ընդունեց hանրապետությունում 2020 թվականի մարտի 16-ին հայտարարված արտակարգ դրության ժամկետը 2020 թվականի ապրիլի 14-ից ժամը 17:00-ից` 30 օրով՝ մինչև 2020 թվականի մայիսի 14-ը ժամը 17:00-ն երկարաձգելու որոշում։ Երկրում գործում է խիստ սահմանափակումների ռեժիմ: