կարևոր
1310 դիտում, 2 տարի առաջ - 2020-04-18 20:31

Կանանց NBA-ում կլինի Բրայանտների անվան մրցանակ

Կանանց NBA-ում կլինի Բրայանտների անվան մրցանակ

Կանանց NBA-ը այսուհետ Կոբի և Զիաննա Բրայանտերի անվան մրցանակ կունենա:

Այս մասին հայտնում է մամուլի ծառայությունը: Մրցանակը կտրվի նրանց, ովքեր մեծ ներդրում կունենան կանանց բասկետբոլի մասսայականացման և տարածման մեջ: Մրցանակին ընտրելու հարցում կարևոր կլինի Բրայանտի կնոջ` Վանեսայի կարծիքը:

NBA լեգենդար բասկետբոլիստ Կոբի Բրայանտը մահացել է հունվարի 26-ին ուղղաթիռի վթարի պատճառով: Դեպքը տեղի է ունեցել Լոս Անջելեսից ոչ հեռու: Ուղղաթիռում Բրայանտի հետ եղել է նաև նրա 13 տարեկան դուստրը: Կոբի Բրայանտը 41 տարեկան էր և պրոֆեսիոնալ բասկետբոլիստի կարիերան ավարտել էր 2016 թվականին: Նա «Լոս Անջելես Լեյքերս»-ի կազմում հինգ անգամ դարձել է NBA չեմպիոն, 2008 ճանաչվել NBA-ի ամենաարժեքավոր բասկետբոլիստ: ԱՄՆ հավաքականի հետ երկու անգամ դարձել էր Օլիմպիական խաղերի չեմպիոն:  NBA-ի պատմության մեջ բոլոր ժամանակների բասկետբոլիստների շարքում նա 33643 միավորով ամենաարդյունավետ չորրորդ բասկետբոլիստն էր: 2018 թվականին արժանացել է «Օսկար»-ի լավագույն կարճամետրաժ անիմացիոն ֆիլմի համար: