Ես պաշտոնի կռիվ չեմ տալիս. բոլորիդ խնդրում եմ չգալ դատարան. Դավիթ Սանասարյան

Պետական վերահսկողության ծառայության՝ լիազորությունները կասեցված պետ Դավիթ Սանասարյանը, անդրադառնալով 1 տարի առաջ իրեն առաջադրված մեղադրանքին, ֆեյսբուքյան իր էջում  գրառում է կատարել․

«Ուղիղ 1 տարի առաջ շինծու մեղադրանք ներկայացվեց և կասեցվեց ՊՎԾ պետի իմ լիազորությունները։

Ինչպես բազմիցս հայտարարել եմ, հիմա էլ հայտարարում եմ, որ բացի երկու շինծու ու կորզած ցուցմունքներից գործով ոչ մի ապացույց չկա։

Իմ դեմ այս ամենը սարքողները միգուցե կարողացան ժամանակավորապես ինձ մեկուսացնել, ու դա թող լինի իրենց ժամանակավոր հաղթանակը, բայց խոստանում եմ, որ երկարաժամկետ ու վերջնական պարտվելու են։ Գործ սարքողները միգուցե ռեսուրսներով ավելի ուժեղ են, բայց ի տարբերութուն իրենց՝ ես ունեմ նպատակ, համոզմունք, համբերելու կարողություն, ու գիտեմ թե ինչպես դուրս գալ պայքարի մարաթոնի։ Մոռացել էին, որ ես պաշտոնի կռիվ չեմ տալիս. իմ համար բոլոր պաշտոններից ավելի կարևոր է ժողովրդի սերը, որը ես վաստակել եմ հայրենիքին անմնացորդ ու անդավաճան ծառայելով։

Սիրելիներս,

երկուշաբթի օրը, ապրիլի 20-ին հավանաբար տեղի կունենա հերթական դատական նիստը, ու բոլորիդ ԽՆԴՐՈՒՄ եմ չգալ դատարան։

#ՄնաՏանը խնդրում եմ, #Մի_Մասնակցիր_Վարակի_Տարածմանը, #ՍիրումԵմԲոլորիդ»,-գրել է նա: