կարևոր
2131 դիտում, 2 տարի առաջ - 2020-04-18 14:34

Մոսկվայում սահմանված ժամանակավոր սահմանափակումները կերկարաձգվեն մինչև մայիսի 1-ը

Մոսկվայում սահմանված ժամանակավոր սահմանափակումները կերկարաձգվեն մինչև մայիսի 1-ը

Կորոնավիրուսի համավարակի պատճառով Մոսկվայում սահմանված ժամանակավոր սահմանափակումները կերկարաձգվեն մինչև մայիսի 1-ը, հայտնել Է Մոսկվայի քաղաքապետ Սերգեյ Սոբյանինը, գրում է ria.ru-ն։

Քաղաքապետի խոսքով՝ Մոսկվայում կորոնավիրուսի ֆոնին սահմանված սահմանափակումները կանխել են «այս փուլում հիվանդացության պայթյունավտանգ աճը»։

«Սա առաջին, համեստ, բայց շատ կարևոր հաղթանակն է, բայց պայքարը չի ավարտվել. համավարակը չի նահանջել»,- հայտարարել է նա։

Մայրաքաղաքի իշխանությունները կուժեղացնեն քաղաքացիների տեղաշարժի վերահսկողությունը, որն այժմ իրականացվում է ֆիզիկական անձանց միջոցով, սակայն, քաղաքապետի խոսքով, այսուհետ կիրականացնեն առավելագույնս ավտոմատացված կերպով։

«Մեքենայով ուղևորությունների ժամանակ անցագրային ռեժիմի պահպանումը վերահսկելու համար կգործարկվեն ճանապարհային երթևեկության կանոնների խախտումների արձանագրման համար նախատեսված տեսախցիկները և պետավտոտեսչության ճանապարհապարեկային ծառայությունը»,-հավելել է Սոբյանինը: