կարևոր
1155 դիտում, 2 տարի առաջ - 2020-04-18 14:16

Հայտնաբերվել է միտումնավոր խախտումներ կատարող 8 վարորդ

Ապրիլի 17-ին ճանապարհային ոստիկանության ճանապարհապարեկային ծառայության բաժնի և առաջին սպայական գումարտակի ծառայողները մայրաքաղաքում իրականացրել են ուժեղացված ծառայություն։

Արդյունքում՝ հայտնաբերվել է երթևեկության մասնակիցների նկատմամբ բացահայտ անհարգալից վերաբերմունք դրսևորող, միտումնավոր խախտումներ անող 8 վարորդ։ Նրանց մեքենաները տեղափոխվել են ճանապարհային ոստիկանության պահպանվող հատուկ տարածք։

Մեկ տրանսպորտային միջոց գտնվել է հետախուզման մեջ, իսկ 2 մոտոցիկլետի վարորդներ թաքցրել են համարանիշը և վարել  առանց վարորդական վկայականի և ժամկետանց ԱՊՊԱ պայմանագրով։

Բոլոր օրինախախտները ենթարկվել են վարչական պատասխանատվության։