կարևոր
1537 դիտում, 2 տարի առաջ - 2020-04-18 11:08

Արձանագրվել է մահվան դեպք. 75-ամյա պացիենտն ունեցել է կորոնավիրուսային հիվանդություն

Ապրիլի 17-ին արձանագրվել է մահվան դեպք։ 75-ամյա պացիենտն ունեցել է կորոնավիրուսային հիվանդություն, հաստատված երկկողմանի ինֆիլտրատիվ թոքաբորբ։ Այս մասին ֆեյսբուքյան իր էջում հայտնել է Առողջապահության նախարարության մամուլի քարտուղար Ալինա Նիկողոսյանը:

«Կինն ունեցել է նաև ուղեկցող խրոնիկ հիվանդություններ` զարկերակային գերճնշում III աստիճանի, ճարպակալում II-III աստիճանի: Բուժման ընթացքում զարգացել է սուր շնչական անբավարարություն III աստիճան, դիսթրես համախտանիշ, աթերոսկլերոզ գերազանցապես ուղեղի և կորոնար անոթների ախտահարումով:

Ունենք կորոնավիրուսային հիվանդության հաստատված 47 նոր դեպք և 121 առողջացածներ»,-գրել է խոսնակը։